اسلام آباد(این این آئی)پاکستان تحریک انصاف گلگت بلتستان کے سیکرٹر اطلاعات و سنٹرل ایگزیکٹو کمیٹی کے رکن تقی نے صدر مملکت کے دورہ گلگت بلتستان کے دوران ناشتے پر50لاکھ خرچ ہونے کی خبر مضحکہ خیزقرار دیتے ہوئے کہا ہے کہ اس کا حقیقت سے دور دورکا بھی تعلق نہیں،مفروضوں پر مبنی خبر پھیلانا قابل افسوس ہے ،آجکل پاکستان پی ٹی آئی کے رہنماؤں کے اوپر الزامات عائد کرکے پگڑیاں اچھالنا فیشن بن بن چکا ہے،۔بدھ کو میڈیا سے گفتگو کرتے ہوئے

رہنما پی ٹی آئی نے کہا کہ صدر پاکستان ڈاکٹر عارف علوی نے اپنی جیب سے ادائیگی کو نجی ٹی وی چینل پروگرام کی وساطت سے واضح کیا ہے ان کی وضاحت کے بعد زیر بحث موضوع کو ختم ہونا چاہیے، ضلعی انتظامیہ سے منسوب خبر کے حوالہ سے رپورٹ کرنے والے کے اوپر لازم ہے کہ پچاس لاکھ کی تفصیلات سامنے لائیں، اس سلسلہ میں ضلعی انتظامیہ کی جانب سے خاموشی اختیار کرنا سمجھ سے بالاتر ہے، ضلعی انتظامیہ بتائیں کہ آخر ایسا کونسا ناشتہ کیا ہے جوانہیں پچاس لاکھ کا پڑا?تقی اخونزادہ نے کہا کہ صدر پاکستان وضاحت دے سکتا ہے تو ضلعی انتظامیہ اس معاملہ میں وضاحت کیوں نہیں دے رہی؟خبر مقامی سطح سے نکل کر قومی سطح پر موضوع بحث بن چکی ہے بلا تحقیق خبر صحافتی اصولوں کے منافی ہے اخبارات سے وابستہ صحافی اور رپورٹرز حضرات کو چاہیے کہ زیادہ سے زیادہ تحقیقاتی رپورٹنگ پر مبنی خبر کو عیاں کرے۔انہوں نیکہا کہ پاکستان تحریک انصاف فضول خرچی کے حق میں بلکل نہیں،جس کا اظہار وزیراعظم پاکستان اپنی تقاریر کے ذریعہ کرچکے ہیں، وزیراعظم ہاؤس کے اخراجات کو کم کرکے میانہ روی اختیار کر کے سب کو واضح پیغام دیا ہے پاکستان تحریک انصاف عادلانہ نظام کو مضبوط کرنے اور کرپشن سے پاک توانا پاکستان بنانے کے خواہاں ہے ،اس طرح کی خبروں سے پارٹی اور پارٹی قائدین کے ساکھ متاثر نہیں ہونگے۔