اسلام آباد (نیوز ڈیسک)وفاقی وزیر اطلاعات و نشریات چوہدری فواد حسین نے کہا ہے کہ پورٹل سسٹم کے ذریعے حکومت کو قومی اداروں کی کارکردگی سے آگاہی حاصل ہوگی۔ ایک انٹرویومیں انہوںنے کہاکہ شکایات کو متعلقہ شعبہ کے سربراہ کو بھیجا جا رہا ہے۔ انہوں نے کہا کہ ایک وقت میں پورٹل پر 3 لاکھ
42 ہزار شکایات وصول کی جا سکتی ہیں۔ انہوں نے مزید کہا کہ پی سی پی سسٹم پاکستان تحریک انصاف کی حکومت کا انقلابی اقدام ہے۔ چوہدری فواد حسین نے کہا کہ سسٹم کے تحت ایک لاکھ 50 ہزار افراد نے رجسٹریشن کرائی ہے۔ انہوں نے کہا کہ وزیراعظم ہائوس ہر اتوار کو شکایات کے اعداد و شمار جاری کرے گا۔
