اسلام آباد (نیوز ڈیسک)وفاقی وزیر آبی وسائل فیصل واوڈا نے کہا ہے کہ اپوزیشن متحدنہیں‘ پاکستان تحریک انصاف کی حکومت کو کوئی خطرہ نہیں۔ ایک انٹرویومیں انہوں نے کہا کہ آل پارٹیز کانفرنس بے نتیجہ ہوگی اور یہ صرف وقت کا ضیاع ہے۔ انہوں نے کہا کہ پاکستان مسلم لیگ (ن) کی موجود حکومت پر تنقید اور الزامات صرف سیاسی

پوائنٹ سکورنگ حاصل کرنے کیلئے ہیں۔ انہوں نے کہا کہ مسلم لیگ (ن) کی گزشتہ حکومت نے قومی معیشت کو بری طرح تباہ کیا اور اس نے ملک اور عوام کی ترقی اور خوشحالی کیلئے کچھ بھی نہیں کیا۔ ایک سوال کے جواب میں انہوں نے کہا کہ بدعنوان عناصر کے خلاف احتساب کا عمل جاری رہے گا اور کوئی بھی احتساب سے بالاتر نہیں ہے۔

موضوعات:فیصل واوڈا