بانی ایم کیو ایم الطاف حسین کی حوالگی کیلئے برطانیہ سے رابطے کا فیصلہ کیا ہونیوالا ہے؟نئے پاکستان کا آغاز ہوتے ہی دھماکہ خیز خبر آگئی

  پیر‬‮ 29 اکتوبر‬‮ 2018  |  16:26

اسلام آباد(آئی این پی ) وزارت داخلہ نے عمران فاروق قتل کیس میں بانی ایم کیو ایم الطاف حسین کی حوالگی کے لیے برطانیہ سے رابطہ کرنے کی ایف آئی اے کی درخواست منظور کرلی، ایف آئی اے کی درخواست کے ساتھ عمران فارق قتل کیس کا چالان اور جےآئی ٹی رپورٹ سمیت دیگر دستاویزات بھی منسلک کی گئی ہیں۔ تفصیلات کے مطابق ایم کیوایم کے سابق رہنما عمران فاروق قتل کیس میں ایف آئی اے کے انسداد دہشتگردی ونگ نے سال 17-2016 میں مقدمہ درج کیا تھا۔ایف آئی اے انسداد دہشت گردی ونگ کے سربراہ مظہر الحق کاکا خیل کی


منظوری سے کیس میں بانی ایم کیوایم کی پاکستان حوالگی کے لیے وزارت داخلہ کو ایک درخواست بھجوائی گئی تھی جسے وزارت نے منظور کرلیا ہے۔وزارت داخلہ سے منظوری کے بعد اب یہ درخواست وزارت خارجہ کو بھجوائی جائے گی جو بانی ایم کیوایم کی حوالگی کے لیے برطانوی وزارت خارجہ سے رابطہ کرے گی اور انہیں باضابطہ درخواست بھی دی جائے گی ۔

موضوعات:

loading...