لاہور( این این آئی)پاکستان مسلم لیگ (ن) کے قائد محمد نواز شریف کی زیر صدارت پارٹی رہنماؤں کا غیر رسمی مشاورتی اجلاس جاتی امراء رائے ونڈ میں منعقد ہوا جس میں ملک کی مجموعی سیاسی صورتحال، شہباز شریف کی گرفتاری اور اپوزیشن جماعتوں کی اے پی سی میں شرکت کے حوالے سے غوروخوض کیا گیا ۔ غیر رسمی مشاورتی اجلاس میں خواجہ محمد آصف، احسن اقبال،خواجہ سعد رفیق،پرویز رشید ، حمزہ شہبازاورکیپٹن (ر) محمد صفدرنے شرکت کی

۔ ذرائع کے مطابق اس موقع پر ملک کی مجموعی سیاسی صورتحال ، محمد شہباز شریف کی گرفتاری کے حوالے سے قانونی پہلوؤں ،مہنگائی کی وجہ سے عوام کی زندگیوں میں آنے والی مشکلات اور اے پی سی کے حوالے سے تفصیلی تبادلہ خیال کیا گیا ۔ اس موقع پر رہنماؤں نے قیادت کو اپنی تجاویز سے بھی آگاہ کیا ۔ ذرائع کے مطابق قانونی ماہرین کی ٹیم نے بھی نواز شریف اور حمزہ شہباز سے ملاقات کر کے مختلف قانونی پہلوؤں پر بریفنگ دی ۔

موضوعات:محمد نواز شریف