گلگت (مانیٹرنگ ڈیسک)سکردو انتظامیہ کو صدر پاکستان عارف علوی کا ناشتہ 50لاکھ روپے میں پڑ گیا۔ مقامی اخبار کی رپورٹ کے مطابق صدر مملکت عارف علوی کا شنگریلہ کے تفریحی مقام کے دورے پر سکردو پہنچے جہاں کمشنر آفس سمیت تمام سرکاری دفاتر صدر مملکت کے دورے کے موقع پر سنسان ہو گئے اور لگژری گاڑیوں کا
ایک جمعہ بازار شنگریلہ کے چھوٹے سے بازار میں سچ گیا۔ سکردو انتظامیہ نے اس موقع پر صدر مملکت کیلئے پرتکلف ناشتے کا اہتمام کیا تھا جو کہ انتظامیہ کو 50لاکھ روپے میں پڑا۔ صدر مملکت کو دورے کے دوران خوش کرنے کیلئے گلگت بلتستان انتظامیہ ایڑی چوٹی کا زور لگاتی رہی اور حکام نے دورے کی کامیابی کیلئے جی کھول کر شہ خرچی کی۔
