اسلام آباد(مانیٹرنگ ڈیسک)پنجاب میں دو ماہ کے اندر ن لیگ کی حکومت ہو گی، رانا مشہود نے ایک بار پھر دھماکہ کر دیا۔ تفصیلات کے مطابق نجی ٹی وی پروگرام میں اپنے متنازعہ انٹرویو کے حوالے سے پوچھے گئے سوال کا جواب دیتے ہوئے ن لیگ کے معطل رکن رانا مشہود نے ایک بار پھر دھماکہ کرتے ہوئے کہا ہے کہ اگر تحریک انصاف کی یہی پالیسیاں جاری رہیں تو دو ماہ بعد پنجاب میں ن لیگ
کی حکومت ہو گی ۔ رانا مشہود کا کہنا تھا کہ پارٹی نے انہیں معطل کیا ہے نکالا نہیں۔ معطلی اور نکالے جانے میں فرق ہے۔ میرا سابقہ انٹرویو سیاق و سباق کے ساتھ پیش نہیں کیا گیا میں نے کسی جگہ ڈیل کا لفظ استعمال نہیں کیا تھا بلکہ انٹرویو میں کہا تھا کہ ’’میرے خیال کے مطابق‘‘اور میں آج بھی اپنے اسی خیال پر قائم ہوں ۔ رانا مشہود کا کہنا تھا کہ اس انٹرویو سے متعلق کمیٹی میں اپنا مؤقف پیش کروں گا۔
