پشاور(این این آئی)ضمنی انتخابات کیلئے میرے بھائی کو ٹکٹ دینے کا فیصلہ درست نہیں تھا،آئندہ اپنے خاندان کے کسی فرد کو پارٹی ٹکٹ دینے کی سفارش نہیں کروں گا،تحریک انصاف کے اہم رہنما نے دِل بڑا کرلیا،بڑا اعتراف،گورنرخیبرپختونخوا شاہ فرمان نے کہاہے کہ پی کے 71 پشاور کے ضمنی انتخابات کیلئے میرے بھائی کو ٹکٹ دینے کا فیصلہ درست نہیں تھااور وہ اس غلطی کو تسلیم

کرتے ہیں۔ یہاں سے جاری ایک بیان میں گورنرخیبرپختونخواہ شاہ فرمان نے کہاہے کہ وہ بحیثیت نظریاتی کارکن موروثی سیاست کے خاتمے پریقین رکھتے ہیں اورپارٹی سطح پر بھی موروثی سیاست کی حوصلہ شکنی کریں گے۔ انہوں نے مزید کہاکہ وہ پاکستان تحریک انصاف کے کارکنوں کو یقین دلاتے ہیں کہ وہ مستقبل میں اپنے خاندان کے کسی فرد کو پارٹی ٹکٹ دینے کیلئے سفارش نہیں کریں گے۔