لاہور(این این آئی)پنجاب پولیس میں ’’تبدیلی‘‘ لانے کا منصوبہ شروع ہونے سے پہلے ہی ناکام،مشیر پنجاب پولیس ریفارمز کے عہدے سے ناصر درانی مستعفی ، حیرت انگیز وجہ سامنے آگئی، ناصر درانی مشیر پنجاب پولیس ریفارمز کے عہدے سے مستعفی ہوگئے ۔ نجی ٹی وی کے مطابق انسپکٹر جنر پولیس پنجاب محمد طاہر کی تبدیلی کے معاملے پر مشیر پنجاب پولیس ریفارمز کے عہدے سے ناصردرانی بھی مستعفی ہوگئے ۔واضح رہے کہ وفاقی حکومت نے محمد طاہرکو
آئی جی پنجاب کے عہدے سے ہٹا کر امجد جاوید سلیمی کو صوبے کا نیا آئی جی پولیس تعینات کر دیا ہے۔ محمد طاہر کو آئی جی پنجاب کے عہدے سے ہٹانے کی وجہ حکومت کی جانب سے محمد طاہر کو سانحہ ماڈل ٹاؤن میں ملوث تمام افسران اور اہلکاروں کو عہدوں سے ہٹانے کا حکم بتائی جارہی ہے وفاقی حکومت کی حکم عدولی کی وجہ سے محمد طاہر کو تبدیل کیا گیا اور ان کی جگہ امجد جاوید سلیمی کو نیا آئی جی پنجاب تعینات کرنے کی منظوری دے دی گئی ہے۔
