اسلام آباد( آئی این پی ) سینیٹ میں اپنی تقریر کے دوران بولنے پرمسلم لیگ (ن) کی سینیٹر سعدیہ عباسی وزیر اطلاعات فواد چوہدری پر برس پڑیں ،سعدیہ عباسی نے کہا کہ یہ موصوف پھر کھڑے ہو گئے ہیں ، ان کو کس چیز کی تکلیف ہے ، میرا جتنا دل چاہے گا میں بولوں گی ،ان کو تکلیف ہے تو یہ ایوان سے واک آؤٹ کر جائیں۔پیر کو سینیٹ اجلاس میں شہبا ز شریف کی گرفتاری پربحث کے دوران مسلم لیگ (ن) کی سینیٹر سعدیہ عباسی نے بھی تقریر کی، ایک موقع پر چیئرمین سینیٹ

نے کہا کہ بحث کو دو گھنٹے ہو گئے ہیں اب بس کریں ، جس پر سعدیہ عباسی نے کہا کون سی قیامت آ گئی ہے ہم تو بات کریں گے،سعدیہ عباسی نے اپنی تقریر جاری رکھی تاہم اپنی تقریر کے دوران بولنے پر وہ وزیر اطلاعات فواد چوہدری پر برس پڑیں ، انہوں نے فواد چوہدری کے بارے میں کہا کہ یہ موصوف پھر کھڑے ہو گئے ہیں ، ان کو کس چیز کی تکلیف ہے ، میرا جتنا دل چاہے گا میں بولوں گی ان کو تکلیف ہے تو یہ ایوان سے واک آ?ٹ کر جائیں۔

موضوعات:سینیٹر سعدیہ عباسی