اسلام آباد(مانیٹرنگ ڈیسک)جتنی عزت عمران خان نے ناز بلوچ کو دی اور پارٹی نے جس طرح انہیں سر آنکھوں پر بٹھایا اگر میری اتنی عزت کی جاتی تو میں جان دے دیتی، میں مر جاتی ، میں کبھی اپنی وفاداری مفاد پر قربان نہ کرتی، میں راجہ ڈوڈل مل کی اولاد ہونے کی نسبت سے ہم نے یہ نہیں سیکھا، ناز بلوچ کو عمران خان پر تنقید کرنا مہنگا پڑ گیا، تحریک انصاف کی خاتون رکن

اسما قدیر نے ناز بلوچ کو مفاد کیلئے اولاد بیچنے والا قرار دیدیا۔ تفصیلات کے مطابق قومی اسمبلی کے اجلاس میں ناز بلوچ کو عمران خان پر تنقید کرنا مہنگا پڑ گیا اور خاتون رکن اسمبلی اسما قدیر نے ناز بلوچ کو مفاد پرست اور مفاد کیلئے وفاداری اور اولاد بیچنے والا قرار دیدیا ہے۔ اپنی تقریر میں ناز بلوچ نے عمران خان اور تحریک انصاف پر تنقید کرتے ہوئے کہا تھا کہ کراچی سے متعلق بات کی جا رہی ہے مجھ سے زیادہ بہتر کوئی نہیں جانتا کہ عمران خان کی کراچی کیساتھ وابستگی کی سطح پر ہے جس پر جواب دیتے ہوئے تحریک انصاف کی اسما قدیر کا کہنا تھا کہ میں اپنے والد کی طرف سے راجہ ڈوڈل مل کی اولاد میں سے ہوں اور میں یہ کہنا چاہتی ہوں کہ ناز بلوچ کو جتنی عزت عمران خان اور تحریک انصاف نے دی ہے اور ہر شخص ان کو سر آنکھوں پر بٹھاتا تھا مگر اپنے مفاد کی خاطر انہوں نے وفاداری تبدیل کی اور یہ ایسے لوگ ہیں جو اپنے مفاد کیلئے وفاداری تو کیا اپنی اولادیں تک بیچنے کیلئےتیار ہو جاتے ہیں۔ اسما قدیر کا کہنا تھا کہ جتنی عزت ناز بلوچ کو ملی ہے اتنی عزت مجھے ملی ہوتی تو میں جان دے دیتی، میں مر جاتی مگر کبھی اپنی وفاداری مفاد پر قربان نہ کرتی۔ واضح رہے کہ ناز بلوچ نے الیکشن سے قبل ہی عائشہ گلالئی کا معاملہ آنے سے قبل پی ٹی آئی کو خیرآباد کہہ دیا تھا اور پیپلزپارٹی میں شمولیت اختیار کر لی تھی۔ ناز بلوچ پیپلزپارٹی کی جانب سے خواتین کی مخصوص نشست پر قومی اسمبلی کی رکن بنی ہیں