اسلام آباد (مانیٹرنگ ڈیسک ) مہمند ڈیم پر اپریل 2019 میں کام شروع ہو گا ، وفاقی حکومت نے تاریخ کا حتمی اعلان کردیا،یہ ڈیم 6سال میں مکمل ہوگا اور 12لاکھ ایکڑ فٹ پانی ذخیرہ کرنے کے صلاحیت ہوگی ، ابتدائی تخمینہ کے مطابق اس ڈیم پر 17 ارب ڈالر کی خطیر رقم خرچ ہو گی۔ تفصیلات کے مطابق مہمند ڈیم جسے منڈا ڈیم بھی کہاجاتا ہے یہ دریائے سوات پر 5کلو میٹر اپ سٹریم منڈا ہیڈ ورکس سے پہلے مہمند ایجنسی میں تعمیر کیا جائے گا ۔اس ڈیم کا بنیادی مقصد سیلاب سے بچاؤ ،
زرعی مقاصد کے لئے پانی اور پن بجلی کا حصول ہے یہ واحد منصوبہ ہے جس سے پشاور ، چارسدہ ، نوشہرہ کو تباہ کن سیلاب سے بچایا جا سکتا ہے۔ مہمند ڈیم سے 2ارب 86کروڑ یونٹ سالانہ بجلی پیدا ہوگی جبکہ اس پر 303ارب سے زائد کا تخمینہ ہے۔ فنی ماہرین کے مطابق ڈیم پر 24گھنٹے کا کام اور زیادہ لیبر سے اس کی تعمیر کا دورانیہ بھی کم کیا جا سکتا ہے ،مہمند ڈیم سے معشیت کو سالانہ 35ارب روپے کا فائدہ پہنچے گا۔ بھاشا اور مہمند ڈیمز پر 17ارب ڈالر سے زائد کی لاگت آئیگی ۔
