اسلام آباد (مانیٹرنگ ڈیسک)میڈیا رپورٹ کے مطابق امین فہیم کے فرنٹ مین فرحان جونیجو نے برطانوی کرائم ایجنسی کے سامنے حیران کن اور چونکا دینے والا انکشاف کر دیا ہے ۔ ذرائع کے مطابق تفتیش کے دوران فرحان نے برطانوی ایجنسی کو سابق صدر پاکستان آصف علی زرداری سے متعلق دنگ کر دینے والے انکشاف کیا ہے ۔ انکشاف کے مطابق سابق صدرآصف زرداری نے 2014ء میں 25کروڑ پاؤنڈ میں ہوٹل خریدا

جو 440 کمروں اور 8سوئٹس پر مشتمل ہے۔ہوٹل کانام ’’چرچل ہوٹل‘‘ ہے جبکہ آصف علی زرداری نے سپریم کورٹ میں جمع کروائے گئے حلف نامے میں حلفاً کہا ہے کہ ان کی بیرون ملک کوئی بھی جائیداد نہیں ہے ۔ یاد رہے کہ مرحوم رہنما مخدوم امین فہیم کے سابق سیکرٹری فرحان جونیجو منی لانڈرنگ کے الزام میں اہلیہ سمیت گرفتار کیے گئے تھے ۔ پاکستانی جوڑے کو لندن کی نیشنل کرائم ایجنسی (این سی ای) کے انٹرنیشنل کرپشنیونٹ نے سرے کاؤنٹی سے گرفتار کیا اور پوچھ گچھ کے بعد رہا کر دیا گیا تھا اور تحقیقات کا عمل جاری ہے ۔ تاہم مزید تحقیقات جاری ہیں اور تحقیقات میں قومی احتساب بیورو (نیب) اور وفاقی تحقیقاتی ایجنسی (ایف آئی ای) کی معاونت حاصل رہی ،ْیہ دونوں برطانیہ میں 80 لاکھ پاؤنڈ سے زائد کے اثاثوں کے مالک ہیں۔ذرائع کا مزید کہنا ہے کہ فرحان جونیجو سابق وفاقی وزیر مرحوم امین فہیم کا پرسنل سیکرٹری کے فرائض انجام دیتا تھا اور ڈیڈاپ اسکینڈل میں یہ مرکزی ملزم ہے ۔

موضوعات:آصف علی زرداری چرچل ہوٹل فرحان جونیجو