اسلام آباد (مانیٹرنگ ڈیسک )حکومت کو دریائے سندھ کے پانی سے 40 ہزار 852 میگاواٹ بجلی پیدا کرنے کا پلان پیش۔ذرائع کے مطابق واپڈا کی جانب سے حکومت کو پیش کیے جانے والے پلان میں بتایا گیا ہے کہ دریائے سندھ سے 40 ہزار 852 میگاواٹ بجلی پیدا کی جاسکتی ہے۔تربیلا جی بی سے 7 ہزار 748 میگاواٹ، بنجی منصوبے سے 7 ہزار 100 میگاوٹ بجلی پیدا کی جاسکتی ہے۔بھاشا سے 4500 میگاواٹ، یلبو سے 2800، داسو سے

4320 میگاواٹ بجلی پیدا کی جاسکتی ہے جبکہ تھاہکوٹ سے 4344، پٹن ہائیڈو پاور پراجیکٹ سے 2400 میگاواٹ بجلی پیدا کی جاسکتی ہے۔ شیوک پاور منصوبے سے 640 اور کالا باغ پاور منصوبے سے 3600 میگاواٹ بجلی پیدا کی جاسکتی ہے۔واضح رہے کہ بجلی بحران کی وجہ سے ملک  میں عوام کو شدید اذیت کا سامنا ہے۔ن لیگ  حکومت کی جانب سے دعویٰ کیا گیا ہے کہ انہوں نے اپنے آخری دور میں 12 ہزار میگا واٹ بجلی سسٹم میں مہیا کی ہے۔