اسلام آباد (این این آئی ) وز یر اعلی پنجاب عثمان بزدار نے سید پور ویلیج میں ڈھابے پر چائے پی ۔وزیر اعلی عوام میں گھل مل گئے۔ تفصیلات کے مطابق بنی گالا میں وزیر اعظم عمران خان کی زیر صدارت اجلاس کے بعد سینیٹر فیصل جاوید کی جانب سے چائے کی دعوت پر وزیر اعلی پنجاب عثمان بزدار سید پور ویلیج پہنچے جہاں پر انہوں نے ڈھابے پر چائے پی اور بسکٹ کھائے ۔ اس موقع پر وزیراعلی پنجاب عوام میں گھل مل گئے۔

اسلام آباد کے شہریوں نے ان کے ساتھ سیلفیاں بنوائیں۔اس موقع پر سینیٹر فیصل جاوید نے کہا کہ ہمیں وزیر اعلی جیسے حکمرانوں کی عرصہ دراز سے ضرورت تھی جو لوگوں کے پیسے کی حفا ظت کر ے۔انہوں نے اس موقع پر عثمان بزدار کو وزیر اعلی منتخب ہونے پرمبارکباد پیش کی ۔انہوں نے کہا کہ سید پور کے لوگ وزیر اعلی کو اپنے درمیان دیکھ پر بہت خوش ہیں ماضی کے حکمران عوام سے بہت دور تھے ۔