اسلام آباد (مانیٹرنگ ڈیسک) چیف الیکشن کمشنر سردار رضا نے سابق سپیکر قومی اسمبلی ایاز صادق کو اوقات یاد دلا دی ۔نجی ٹی وی کے مطابق چیف الیکشن کمشنر کی سربراہی میں 4 رکنی بینچ نے سابق وزیراعلیٰ خیبرپختونخوا پرویز خٹک اور سابق سپیکر قومی اسمبلی ایاز صادق کے خلاف ناشائستہ زبان استعمال کرنے پر ضابطہ اخلاق کیس کی سماعت کی۔
ایاز صادق سے متعلق ضابطہ اخلاق کی خلاف ورزی کیس میں چیف الیکشن کمشنر نے سخت ریمارکس دئیے۔اس موقع پر چیف الیکشن کمشنر کی ہدایت پر ایاز صادق کا ویڈیو کلپ چلایا گیا، چیف الیکشن کمشنر کا کہنا تھا کہ ایاز صادق الیکشن والے دن ہمیں اوقات دکھا رہے تھے۔آج ایاز صادق دیکھ لیں ان کی کیا اوقات ہے۔سابق اسپیکر قومی اسمبلی ایاز صادق کے وکیل کامران مرتضی نے معافی مانگ لی۔
