اسلام آباد(مانیٹرنگ ڈیسک)معروف اداکارہ مدیحہ شاہ کے گھر سے لاپتہ نوجوان برآمد ۔نجی ٹی وی کے مطابق احمد کے اہلخانہ کا کہنا ہے کہ احمد کی گمشدگی کی درخواست تھانہ فیکٹری ایریا میں درج کروا رکھی تھی جس کے بعد دوستوں کی نشاندہی پر مدیحہ شاہ کے گھر کی تلاشی لی گئی۔ جب پولیس کے ہمراہ مدیحہ شاہ کے گھر گئے تو اس نے تلاشی دینے سے انکار کر دیا۔لیکن پولیس نے مدیحہ شاہ کے گھر کی تلاشی لی تو احمد گھر سے برآمد ہوگیا ۔
احمد کی والدہ کا کہنا ہے کہ مدیحہ میرے بیٹے کو نشے کرواتی تھی اس لئے ہم مدیحہ شاہ کے خلاف قانونی کارروائی کریں گے۔دوسری جانب مدیحہ شاہ کا کہنا تھا کہ احمد میرے پاس ڈرائیور تھا اور ابھی بھی نوکری کی غرض سے آیا تھا ۔احمد کے اہل خانہ کی جانب سے لگائے گئے تمام الزامات جھوٹے ہیں۔ادھر خود احمد نے بھی کہا ہےکہ میں گھر والوں سے جھگڑے کے بعد گھر سے چلا گیا تھا۔واقعے کی مزید تفتیش جاری ہے۔
