راولپنڈی( آن لائن) پاکستان تحریک انصاف کے مرکزی رہنما اور سماجی شخصیت و گلوگار ابرار الحق نے راولپنڈی کے حلقہ این اے60سے انتخابات میں حصہ لینے کی خواہش کا اظہار کر دیا جس کے لئے مرکزی قیادت سے ٹکٹ کے حصول کے لئے باقاعدہ رابطہ کیا جا ئے گا اس حوالے سے ابرار الحق نے راولپنڈی میں ملاقاتیں شروع کر دیں ، تفصیلات کے مطابق حنیف عباسی کو سزا ہو نے سے حلقہ این اے60کا انتخاب روک دیا گیا تھا جو اب ضمنی انتخابات میں
ہو گا ، اس حلقہ سے تحریک انصاف کے مرکزی راہنما سماجی شخصیت اور گلوکار ابرار الحق نے تحریک انصاف کے پلیٹ فارم سے الیکشن میں حصہ لینے کا فیصلہ کیا ہے ابرار الحق اس حوالے سے راولپنڈی میں موجود ہیں اور اپنے ہم دوستوں سے ملاقاتیں کر رہے ہیں ابرار الحق راولپنڈی اسلام آباد میں تعلیم حاصل کر تے رہے ہیں اور سکستھ روڈپر رہائش تھی جبکہ ان کا سسرال بھی راولپنڈی میں ہے اسکے ساتھ ساتھ دوستوں کی ایک بڑی تعداد موجود ہے ۔
