اسلام آباد (این این آئی)عوامی مسلم لیگ کے سربراہ شیخ رشید نے کہا ہے کہ عمران خان وقت کی ضرورت ہے،اپوزیشن اپنے مسائل پرازسرنوغورکرے۔ جمعہ کو میڈیا سے گفتگو کرتے ہوئے شیخ رشید نے کہا کہ ابھی عمران خان نے حلف نہیں اٹھا یا تو ن لیگ والے متحدہ اپوزیشن بن گئے ، خان صاحب حلف اٹھائیں گے تو ن لیگ میں فارورڈ بلاک بن جائے گامگر کپتان راہ میں رکاوٹیں کھڑی کرنے سے کچھ نہیں ہوگا،

الٹا جمہوریت کو نقصان ہوگا، وہ عام آدمی کی تقدیربدلنا چاہتے ہیں۔ انہوں نے کہاکہ نوازشریف سوچتے تھے کہ وہ جیل جائیں گے توووٹوں کے ڈبے بھرجائیں گے، ان کے جیل میں جانے سے ہمالیہ تک روئے گا لیکن ایک ٹائر تک نہیں جلا جبکہ پی ٹی آئی نے تن تنہا حکومت کو دوصوبوں میں شکست دیدی ٗاپوزیشن اورہوتی ہے اورحکمرانی اورہوتی ہے،میں خود بلاول کوملنے جاسکتا ہوں،اسحاق ڈارسمیت کئی سلطانی گواہ بنیں گے۔

موضوعات:شیخ رشید