راولپنڈی(آئی این پی ) راولپنڈی کی اڈیالہ جیل میں قیدیوں نے ’’نوازشریف زندہ باد‘‘ کے نعرے لگا د یئے ۔ جمعرات کو راولپنڈی کی سینٹرل جیل میں قید سابق وزیراعظم نوازشریف ،ان کی صاحبزادی مریم نواز اور داماد کیپٹن (ر) صفدر سے ملاقات کا دن تھا ۔ اس موقع پر مسلم لیگ (ن) کے کئی رہنماؤں نے ان سے ملاقاتیں بھی کیں ۔ اس موقع
پر بڑی تعداد میں میڈیا بھی اڈیالہ جیل کے باہر موجود تھا ۔ دلچسپ صورتحال اس وقت بنی جب اڈیالہ جیل میں قیدیوں کو ان کی معمول کی پیشی پر کچہری لایا گیا ، جب قیدیوں کو کچہری سے واپس اڈیالہ جیل لایا گیا تو جیل کے گیٹ پر وین میں موجود قیدیوں نے میڈیا کو دیکھ کر پرجوش اندا زمیں ’’نوازشریف زندہ باد‘‘ کے نعرے لگائے ۔
