پشاور(این این آئی) تحریک انصاف خیبرپختونخوا میں ایک اور سیٹ سے محروم ہو گئی۔ حلقہ پی کے سترپر دوبارہ گنتی میں اے این پی کے خوشدل خان کامیاب قرار دے دیئے گئے ۔اے این پی کے اْمیدوار خوشدل خان اس سے قبل گنتی میں پی ٹی آئی کے شاہ فرمان سے سینتالیس ووٹوں سے ہار گئے تھے۔ خوشدل خان نے دوبارہ گنتی میں پی ٹی آئی کے امیدوار شاہ فرمان
پر ایک سو ستاسی ووٹوں کی برتری حاصل کی۔ خوشدل خان کی کامیابی کے اعلان کے بعد اْن کے حامیوں نے بھنگڑے ڈالے اور مٹھائیاں تقسیم کیں۔پی کے 70 پشاور سے عوامی نیشنل پارٹی کے نامزد امیدوار خوشدل خان ایڈوکیٹ کے حلقے میں دوبارہ گنتی کا عمل مکمل غیر سرکاری نتیجے کے مطابق 187 ووٹوں کی برتری سے کامیاب قرار پائے۔
