اسلام آباد (مانیٹرنگ ڈیسک )پشاور کے حلقہ پی کے 70 میں بازی پلٹ گئی، ابتدائی نتائج میں جیتنے والے پی ٹی آئی کے شاہ فرمان کو دوبارہ گنتی کے عمل میں عوامی نیشنل پارٹی کے امیدوار خوشدل خان نے شکست دیدی ۔نجی ٹی وی  کے مطابق پی کے 70 سے خوشد ل کامیاب ہوگئے ہیں۔

جبکہ اے این پی نے دعویٰ کیاہے کہ خوشدل خان کے حلقہ کی گنتی ابھی جاری ہے اور وہ 193 ووٹوں کی لیڈ حاصل کر چکے ہیں ۔جبکہ یہاں یہ امر بھی قابل ذکر ہے کہ پاکستان تحریک انصاف کے شاہ فرمان ابتدائی نتائج میں 74 ووٹوں سے کامیاب ہوئے تھے تاہم دوبارہ گنتی میں وہ ہار گئے۔

موضوعات:پی کے 70