اسلام آباد (مانیٹرنگ ڈیسک )پی ٹی آئی کے رہنما فواد چوہدری نے چیف جسٹس ثاقب نثار سے ان کے چیمبر میں ملاقات کی ۔نجی ٹی وی کے مطابق فواد چوہدری نے اب سے کچھ دیر پہلے چیف جسٹس سے ملاقات کی ۔ملاقات کے بعد فواد چوہدری نے میڈیا سے غیر رسمی گفتگو کرتے ہوئے کہا کہ ایک وکیل کی حیثیت سے چیف جسٹس سے ملاقات کی ہے۔
جبکہ میں سپریم کورٹ بار کونسل کا سینئر ممبر بھی ہوں ۔انہوں نے کہا کہ ملاقات میں چیف جسٹس نے رکن پارلیمنٹ منتخب ہونے پر مبارک باد دی ہے ۔ ہمارا چیف جسٹس کے ساتھ ادب و احترام کا تعلق ہے ۔واضح رہے کہ فواد چوہدری تحریک انصاف کے ترجمان بھی ہیں اور ان کی جماعت نے حالیہ الیکشن میں واضح کامیابی حاصل کی ہے۔
