کراچی (آئی این پی ) گڈانی کی پہاڑی پر تصویر لیتے ہوئے پا ئو ں پھسلنے کے باعث گرنے والے نوجوان کو بچانے کی کوشش میں چچا سمندر میں ڈوب کر جاں بحق،بھتیجے کو بچا لیا گیا۔ تفصیلات کے مطابق گڈانی پھوکاڑہ بیچ کے پہاڑ پر تصاویر بناتے ہوئے نوجوان کا پا ئو ں پھسل گیا اور وہ گہرے سمندر میں جا گرا، جسے بچاتے ہوئے کوئٹہ کے رہائشی اعظم اچکزئی نے سمندر میں چھلانگ لگادی

ان کی کوشش سے بھتیجا محفوظ رہا جب کہ وہ خود سمندر کی بے رحم موجوں کی نذر ہوگئے۔ اعظم اچکزئی باگڑھ کی ساحلی پٹی سے بر آمد ہوئی ،اعظم اچکزئی انجمن تاجران زرغون روڈ کے صدر تھے رات ہی اہلخانہ سمیت حب پہنچے تھے جو کہ حب کی قبائلی شخصیت فدا نورزئی کے مہمان تھے۔واضع رہے کہ گڈانی سمیت لسبیلہ کے تمام ساحلی پٹی پر نہانے کے حوالے سے دفعہ 144 نافذ ہے۔

موضوعات:بھتیجا چچا