کراچی(این این آئی)پاکستان تحریک انصاف نے سندھ اسمبلی میں اپوزیشن لیڈر کے لئے کراچی کے صدر اور پی ایس 103 سے نو منتخب رکن اسمبلی فردوس شمیم نقوی کا نام فائنل کر لیا گیاہے۔پاکستان تحریک انصاف نے کراچی سمیت سندھ بھر سے کامیابیاں حاصل کرنے کے بعد حکومت کے اپوزیشن کا بھرپور کردار ادا کرنے کا فیصلہ کیا ہے۔پیپلز پارٹی کے بعد سب سے زیادہ نشستیں پی ٹی آئی نے سمیٹی ہیں اور گزشتہ کئی دنوں سے چیئرمین عمران خان کے ساتھ سندھ کے رہنمائوں نے

مشاورت کی جس میں اپوزیشن لیڈر کے لئے خرم شیر زمان، عمران اسماعیل اور فردوس شمیم نقوی کے نام زیر غور تھے ۔ذرائع کے مطابق گزشتہ روز عمران خان نے سندھ اسمبلی میں اپوزیشن لیڈر کے لئے فردوس شمیم نقوی کا نام فائنل کر دیا ہے۔فردوس شمیم نقوی کو بطور اپوزیشن لیڈر سندھ اسمبلی میں منتخب کروانے کے لئے پی ٹی آئی، ایم کیو ایم اور جی ڈی اے سمیت تمام جماعتوں سے رابطہ کرے گی۔فردوس شمیم نقوی پی ٹی آئی کے بانی رکن اور عمران خان کے قریبی ساتھی ہیں