سرگودھا(نیوز ڈیسک)سرگودھا شہر کے حلقہ این اے 90 سے مسلم لیگ ن کے نو منتخب رکن قومی اسمبلی چوہدری حامد حمید سمیت 240 لیگی کارکنان کے کیخلاف تھانہ کینٹ پولیس نے اشتعال انگیز تقریرکرنے اور جلوس نکالنے کے الزامات میں زیر دفعہ 16MPo,341/440/188/148/149 ت پ مقدمہ درج کیا اور ملزمان کی تلاش میں چھاپے ماررہی ہے۔

زرائع کے این اے 90 سے نو منتخب ایم این اے چوہدری حامد حمید کے ساتھ انجمن تاجران کے جنرل سیکرٹری شیخ نعیم اسلم کپور،چئیرمین مارکیٹ کمیٹی زاہد کمبوہ،ایم ایس ایف کے صدر امجد رضا، ناہب صدر کاشف گوندل، سمیت 41 افراد ڈاکٹر جاوید،چوہدری عبدالرشید،حمزہ رشید،ڈاکٹر منیر،ارشد عطاری،مہراج خان،میاں سرفرازڈاکٹر شرافت،وسیم نور،اسلم رحمانی،تنویر بھٹی،سلیم رحمانی ،چوہدری سلیم،ارشاد کمبوہ،عادل سجاد،عمران آرائیں ،اسلم ڈوگر،امجد سراج،چھمہ کندی،غازی خان،ظفر خان،راناساجد،راوغیور،رانا پھول،سید نیازی چئیرمین،میاں سبحان،رانا اسمائیل کونسلر،میاں سہیل،راجہ شہزاد،مرزا منیر،سہیل ،وقار اشرف،وحید پریمی، ملک یامین ،لیاقت کونسلر،ندیم ہنجرا، اور 220/240 نامعلوم افراد کو ملوث کیا گیا ہیجن پر الزام ہے کہ انہوں 15/20 افراد مسلح اسلحہ کے ساتھ جلوس نکالا اور ضلع کچہری آزادی چوک میں روڈ بلاک احتجاج کے دوران پولیس ،عدلیہ،انتظامیہ،اور آراوز کیخلاف اشتعال انگیز تقریریں کیں اور عوام کوریاستی اداروں کے خلاف اکسانے کی کوشیش کی اور توڑ پھوڑ کر کے خوف وحراس پھیلایا۔ اس مقدمہ میں ملوث ملزمان کی گرفتاری کے لئے چھاپے مارے جارہے ہیں تاہم ابھی تک کسی قسم کی کوئی گرفتاری نہیں ہوسکی ۔واضح رہے کہ اس سے قبل انتخابات سے پہلے سابق وزیراعظم نواز شریف کے داماد کیپٹن صفدر کی گرفتاری کے موقع پر بھی رکاوٹیں ڈالنے کے الزام میں راولپنڈی سے متعدد لیگی کارکنان کو حراست میں لیا جا چکا ہے جبکہ کئی رہنما ضمانت پر رہا ہیں۔