اسلام آباد(مانیٹرنگ ڈیسک)لاہور کے علاقے ہنجروال میں تحریک انصاف کے نو منتخب رکن پنجاب اسمبلی ندیم بارا اور ان کے ساتھیوں نے پولیس اہلکاروں کو تشدد کا نشانہ بناڈالا۔ایس پی معاذ ظفر کے مطابق 15 پر ہوائی فائرنگ کی کال پر ایس ایچ او ہنجروال رانا افضل اہلکاروں کے ہمراہ موقع پر
پہنچا تو پی ٹی آئی کے نو منتخب رکن پنجاب اسمبلی ندیم بارا اور ان کے ساتھیوں نے ایس ایچ او اور پولیس اہلکار کو تشدد کا نشانہ بنایا اور وردیاں پھاڑ دیں۔تشدد کے بعد ندیم بارا اور ساتھی فرارہوگئے، ڈی آئی جی آپریشنز شہزاد اکبرنےواقعہ کا نوٹس لیتے ہوئے ملزمان کی فوری گرفتاری کا حکم دیا ہے۔
