اسلام آباد (مانیٹرنگ ڈیسک )متحدہ مجلس عمل کے زیر اہتمام کل ہونیوالی اے پی سی نے انتخابی نتائج مسترد کرتے ہوئے دوبارہ الیکشن کا مطالبہ کیا ہے اس اے پی سی میں مجلس عمل میں شامل جماعتوں سمیت مسلم لیگ ن، اے این پی، پشتونخواہ میپ،پیپلزپارٹی شیرپائو اور ایم کیو ایم کے فاروق ستار ، پی ایس پی کے مصطفیٰ کمال اور جمعیت علمائے پاکستان (ن)کے اویس نورانی شامل تھے ۔

اس اے پی سی کے بعد مولانا فضل الرحمن نے اے پی سی اعلامیہ سے متعلق میڈیا کو آگاہ کیا اور اس موقع پر تمام رہنما مولانا فضل الرحمن اور شہباز شریف کے پیچھے کھڑے تھے جس کی تصویر میڈیا پر بھی شائع اور نشر کی گئی۔ اس تصویر سے متعلق ڈاکٹر عامر لیاقت جو کہ پاکستان تحریک انصاف کے ٹکٹ پر کراچی کے حلقہ این اے 245 سے کامیاب ہوئے ہیں نے ایسی میمی ٹویٹر پر شیئر کر دی ہے کہ ہر کوئی دنگ رہ گیا ہے ۔ عامر لیاقت نے ٹویٹر پر بالی ووڈ فلم ’’نائیک‘‘میں امریش پوری اور دیگر اداکارائوں کے ایک مشترکہ سین کی تصویر شیئر کی ہے جس میں دیکھا جا سکتا ہے کہ الیکشن ہارنے کے بعد امریش پوری پوری اپوزیشن کے ساتھ ایک کمرے میں بیٹھ کر فلم کے ہیرو اور الیکشن جیتنے والے انیل کپور(شیوا جی )کے خلاف سازشیں تیار کر رہے ہیں۔ فلم میں امریش پوری انہیں ایک روز کیلئے صوبے کا وزیراعلیٰ بنا دیتے ہیں جس کے بعد وہ صوبے کے حالات ایک دن میں بڑی حد تبدیل کردیتے ہیں اور لوگ انہیں پسند کرنے لگتے ہیں اور امریش پوری کی حکومت کا دھڑن تختہ ہو جاتا ہے اور انیل کپور (شیوا جی)جنرل الیکشن میں کامیاب ہو کر حکومت بنا لیتے ہیں اورصوبے کے مسائل کو ختم کرنے میں جٹ جاتے ہیں جس پر امریش پوری پوری اپوزیشن کو اپنے ساتھ ملا کر سازشیں تیار کرتے ہیں ۔

آل پارٹیز کانفرنس pic.twitter.com/pnxALdHvt2

— Aamir Liaquat Husain (@AamirLiaquat) July 27, 2018