سکھر(این این آئی) پاکستان تحریک انصاف کے حلقہ این اے 207کے امیدوار مبین جتوئی نے انتخابی رزلٹ میں تاخیر کو دھاندلی قرار دیتے ہوئیے کہا ہے کہ سکھر کی تمام پولنگ اسٹیشنوں سے بھاری اکثریت سے کامیابی حاصل کرنے کے باوجود رزلٹ تبدیل کر کے ہمیں شکست دی گئی ہے الیکشن میں ہمارے ایجنٹ کو فارم 45پر نتائج نہیں دیے گئے انہیں پولنگ اسٹیشنوں سے باہر نکال دیا گیا جو ہمارے ساتھ سراسر زیادتی ہے دھاندلی کے خلاف عدالت سے رجوع کرینگے ان خیالات کا اظہار انہوں نے ڈی آر او کے دفتر کے باہر میڈیا سے گفتگو کرتے
ہوئے کہا انہوں نے کہا کہ سکھر کی عوام کا شکریہ ادا کرتا ہوں کے انہوں نے اس طرح ہمارا ساتھ دیکر شہر کو تباہ کرنے والوں کے خلاف اپنا فیصلہ دیا الیکشن صاف و شفاف کو جان بوجھ کر دھاندلی کی جانب لے جایا گیا ہے جس کی سخت الفاظ میں مذمت کرتے ہیں سکھر کی عوما باشعور ہے اور پڑھی لکھی ہے صرف 7ہزار ووٹ مسترد کرنا سمجھ سے بالا تر ہے یہ سب سرکاری میشنری استعمال کرنے کا نتیجہ ہے انشاء اللہ ہم الیکشن میں دھاندلی کے حوالے سے بمعہ ثبوت عدالت میں جائینگے اور سکھر کی عوام جو فیصلہ کریگی ہمیں قبول ہوگا۔
