اسلام آباد(مانیٹرنگ ڈیسک)سابق وفاقی وزیر ریلوے اور مسلم لیگ ن کے رہنما خواجہ سعد رفیق نے این اے 131 میں عمران خان کی کامیابی کو چیلنج کر دیا۔خواجہ سعد رفیق نے ریٹرننگ افسر کو درخواست جمع کروا دی ہے جس میں انہوں نے مؤقف اختیار کیا ہے کہ این اے 131 میں پریزائڈنگ افسر نے سینکڑوں ووٹ دانستہ طور پر مسترد کیے ہیں۔درخواست میں سعد رفیق نے حلقے میں ووٹوں کی دوبارہ گنتی کیلئے استدعا کرتے ہوئے کہا ہے کہ مسترد ووٹوں اور گنتی کا عمل مکمل

ہونے تک رزلٹ جاری نہ کیا جائے۔واضح رہے کہ این اے 131 کے غیر سرکاری اور غیر حتمی نتائج کے مطابق تحریک انصاف کے چیئرمین عمران خان نے اس حلقے سے ن لیگی رہنما خواجہ سعد رفیق کے مقابلے میں 84 ہزار 313 ووٹ حاصل کر کے کامیابی حاصل کی ہے جبکہ مسلم لیگ ن کے اُمیدوار خواجہ سعد رفیق 83 ہزار 633 ووٹ حاصل کر سکے۔ووٹوں کو دیکھا جائے تو یہ بات سامنے آتی ہے کہ عمران خان نے صرف 680ووٹ زائد حاصل کر کے خواجہ سعد رفیق سے فتح چھینی ہے۔

موضوعات:حلقہ این اے 131 خواجہ سعد رفیق عمران خان کامیابی چیلنج