اسلام آباد (مانیٹرنگ ڈیسک) نجی نیوز چینل کے پروگرام میں میزبان عزیز ی نے تحریک انصاف کے رہنما عامر لیاقت کی دوسری بیوی سے متعلق اہم انکشاف کیا ہے ۔ میڈیا رپورٹس کے مطابق عزیزی نے پروگرام میں انکشاف کرتے ہوئے کہا ہے کہ عامر لیاقت عام انتخابات میں جو کاغذات جمع کروائے ہیں ان میں تحریک انصاف کے رہنما نے صرف اپنی ایک بیوی کا ذکر کیا ہے جبکہ کے ان کی دو شادیاں ہو چکیں ہیں ۔

پروگرام کے میزبان عزیزی نے دعویٰ کیا ہے کہ میرے پاس نادرا کے تمام کاغذات اور ان کی دوسری بیوی کے شناختی کارڈ سمیت دیگر ثبوت موجود ہیں۔ ان کی دوسری بیوی کے شناختی کارڈ پر عامر لیاقت کا نام لکھا ہوا ہے ۔ تاہم یا د ہے کہ 2018کے الیکشن میں حصہ لینے والے امیدواروں سے کاغذات نامزدگی کیساتھ حلف نامہ بھی جمع کروانالازم قرار دیا ہے ۔ عامر لیاقت نے حلف نامے کیساتھ اپنے کاغذات نامزدگی میں تعلیمی قابلیت ماسٹرز ظاہر کی ہے ۔ واضح رہے کہ عامر لیاقت پر جعلی ڈگری کا الزام بھی لگ چکا ہے جس کے بارے میں معروف اینکر نے وضاحت کرتے ہوئے ڈگری کے جعلی ہونے کا کہہ دیا تھا ۔ ڈاکٹر عامر لیاقت حسین کو تحریک انصاف کی جانب سے کراچی کے حلقہ این اے 245سے ٹکٹ جاری کیا گیا ہے۔ خیال رہے کہ ڈاکٹر عامر لیاقت حسین نے رواں برس ہی پاکستان تحریک انصاف میں شمولیت اختیار کی تھی ۔