لودھراں (آن لائن) جہانگیر ترین کے صاحبزادے علی ترین کا تعلیمی مصروفیات کے باعث الیکشن نہ لڑنے کا فیصلہ ، مشکل وقت میں پارٹی کا ساتھ دینے والوں کو ٹکٹ دینا چاہئے۔ میڈیا سے گفتگو کرتے ہوئے جہانگیر ترین کے صاحبزادے علی ترین نے کہا ہے کہ الیکشن نہ لڑنےکا فیصلہ کیا ہےتعلیم کی وجہ سےالیکشن میں حصہ نہیں لے سکتا۔

جو ورکرز پارٹی کو وقت دے رہے ہیں الیکشن لڑنا ان کا حق ہے مشکل وقت میں پارٹی کا ساتھ دینے والوں کو ٹکٹ ملنا چاہئے۔ انہوں نے کہا ہے کہ پارٹی جس کو بھی ٹکٹ دے گی اس کو سپورٹ کریں گے۔ لودھراں میں پی ٹی آئی کو کامیاب کرائیں گے علی ترین نے لودھراں کی سیٹ این اے 161 سے کاغذات نامزدگی وصول کیے تھے۔