اسلام آباد ( آن لائن) صوبائی حکومت کے خاتمے سے قبل پنجاب میں بڑے پیمانے پر سرکاری افسران کو ادھر ادھر کر دیا گیا ہے جبکہ کئی افسران کو اگلے گریڈ میں ترقی بھی دیدی گئی ہے۔ ڈپٹی کمشنر اٹک رانا اکبر حیات کو تبدیل کر کے ڈائریکٹر جنرل راولپنڈی ڈویلپمنٹ اتھارٹی لگا دیا گیا ہے۔ اس سے قبل کمشنر راولپنڈی کے پاس آر ڈی اے کے ڈی جی کا اضافی چارج تھا۔ دیگر تقرریوں میں وحید الدین سیکرٹری جنگلات پنجاب کو تبدیل کر کے
ان کی خدمات وفاق کے سپرد کر دی گئیں ہیں۔ سرکاری نوٹیفکیشن کے مطابق میاں وحید الدین کی جگہ ہارون رفیق کو سیکرٹری جنگلات تعینات کر دیا گیا ہے۔ اسی طرح زین بن مقصود کو سپیشل سیکرٹری خزانہ، نبیل جاوید کو سیکرٹری سوشل ویلفیئر، وقار حسین کو ایڈیشنل سیکرٹری وزیر اعلی سیکرٹریٹ، جہانگیر انور کو ایڈیشنل سیکرٹری خزانہ پنجاب حیدر علی کو ڈپٹی سیکرٹری بلدیات ، جاوید اقبال بخاری کو ممبر بورڈ آف ریونیو، محمد جہانزیب کو ایم ڈی پیپرا، محمد نعیم غوث کھوسہ کو ایڈیشنل سیکرٹری ایوان وزیر اعلی جبکہ وقار حسین کو ایڈیشنل سیکرٹری ایوان وزیر اعلی، طارق محمود کو ایڈیشنل سیکرٹری آبپاشی، عبد الشکور کو ڈائریکٹر انٹی کرپشن پنجاب، افضال احمد کو ڈائریکٹر پنجاب ٹیکسٹ بک بورڈ جبکہ مہتاب وسیم کو ڈائریکٹر انٹی کرپشن لاہور، محمدمسعود کو ایڈیشنل سیکرٹری خزانہ، محمد عمر شیر چٹھہ کو ڈپٹی سیکرٹری کیبنٹ ایس اینڈ جی اے ڈی ، احمر نائیک کو سیکرٹری ورکرز ویلفئیر بورڈ تعینات کر دیا گیا ہے۔ تین افسران کو گریڈ 21 میں ترقی دی گئی ہے ان میں احمد بلال سیکرٹری ایکسائز اینڈ ٹیکسیشن ، بابر شفیع ممبر بورڈ آف رینویو اور نسیم صادق سیکرٹری لائیو سٹاک اینڈ ڈیری ڈویلپمنٹ شامل ہیں۔ ترقی پانے والے افسران کو اپنی اپنی جگہ پر کام جاری رکھنے کی ہدایت کی گئی ہے۔
