اسلام آباد(مانیٹرنگ ڈیسک)تحریک انصاف کی جانب سے گزشتہ شب  مینار پاکستان لاہو رمیں سیاسی طاقت کا مظاہرہ کیا گیا جس میں بڑی تعداد میں لوگوں نے شرکت کی۔ روزنامہ خبریں کے مطابق جلسے میں شرکا کی تعداد ڈیرھ لاکھ ، ن لیگ کے مطابق 70 ہزار، ایجنسیوں کے مطابق 80 ہزار جبکہ تحریک انصاف کی جانب سے دعویٰ کیا گیا کہ جلسے میں 5لاکھ افراد نے شرکت کی ۔جلسے میں شرکت کے لیے لوگ لاہور سمیت دیگر

شہروں سے بھی پہنچے۔ لیکن جلسے میں شرکت کے لیے آیا ایک شہری لاہور میں ترقی دیکھ کر واپس روانہ ہو گیا۔ سوشل میڈیا پر ایک شہری کی تصویر وائرل ہوئی ہے جس میں اس شہری نے اپنے ہاتھ میں ایک چارٹ اٹھا رکھا ہے۔اس چارٹ پر تحریر ہے کہ دوستوں میں پی ٹی آئی کے جلسے میں شرکت کے لیے ایبٹ آباد سے لاہور آیا تھا لیکن اب لاہور کی ترقی دیکھ کر واپس جا رہا ہوں، اور آئندہ ووٹ مسلم لیگ ن کو ہی دوں گا۔