اسلام آباد(مانیٹرنگ ڈیسک)مسلم لیگ ن نے ملک بھر میں سیاسی جلسوں کا اعلان کر دیا، شیڈول سامنے آگیا۔ تفصیلات کے مطابق ن لیگ نے ملک بھر میں رمضان المبارک سے قبل سیاسی جلسے کا اعلان کر دیا اور ان جلسوں سے نواز شریف اور مریم نواز خطاب کرینگی۔ نواز شریف اور مریم نواز کے جلسوں کا شیڈول بھی جاری کر دیا گیا ہے جس کے مطابق زیادہ تر جلسے پنجاب میں ہوں گے جو کہ دو مئی سے شروع ہوں گے اور 13 مئی تک جاری رہیں گے اور تمام جلسوں سے

سابق وزیر اعظم نواز شریف اور مریم نواز بھی خطاب کریں گی۔ن لیگ کی طرف سے جاری کردہ شیڈول کے مطابق نواز شریف یکم مئی کو مزدور ڈے کے موقع پر ساہیوال میں عوامی قوت کا مظاہرہ کریں گے اسی طرح 2 مئی کو رحیم یار خان ،4 مئی کو چترال ،5 مئی کو جہلم،6 مئی کو مانسہرہ، 8 مئی کو خوشاب میں جلسہ عام کریں گے۔اسی تسلسل میں نواز شریف 9 مئی کو چشتیاں ،10 مئی کو چکوال، 11 مئی کو ملتان اور 13 مئی کو گوجر خان میں جلسے سے خطاب کریں گے ۔