اسلام آباد(مانیٹرنگ ڈیسک)شمالی وزیرستان کے تاجروں اور دکانداروں نے نیشنل پریس کلب اسلام آباد کے سامنے اپنا 4دن سے جاری دھرنا ڈی جی آئی ایس پی آر میجر جنرل آصف غفور سے ملاقات کے بعد ختم کر دیا ہے۔ شمالی وزیرستان کے تاجروں اور دکانداروں نے گزشتہ روز ڈی جی آئی ایس پی آر میجر جنرل آصف غفورسے ملاقات کی۔۔میڈیا سے گفتگو کرتے ہوئے

تاجر رہنماؤں نے اسلام آباد کے تاجر رہنما اجمل بلوچ کے ہمراہ ڈی جی آئی ایس پی آر سے ملاقات کے بارے میں بتاتے ہوئے کہاکہ انہوں نے پرامن احتجاج کیا اور امید ہے کہ ان کے مطالبات پورے ہوں گے اور دوبارہ احتجاج کرنے کی نوبت نہیں آئے گی۔ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر اپنے بیان میں کہا کہ ان شاء اللہ دشمن قوتیں کبھی کامیاب نہیں ہوں گی۔انہوں نے کہا کہ یہ ہمارا گھر ہے اور مل کر رفتہ رفتہ مکمل امن لائیں گے جبکہ علاقے کو صاف کرنے کے چیلنجز کے ساتھ ہولڈ اینڈ بلڈ کا مرحلہ جاری ہے۔ترجمان پاک فوج نے مزید کہا کہ شمالی وزیرستان کے متاثرہ تاجروں کی مقامی سول و فوجی نمائندوں سے کل ملاقات ہو گی جس میں فاٹا سیکریٹریٹ کے نمائندے بھی ہوں گے۔ان کا یہ بھی کہنا ہے کہ ملاقات میں حقیقی مسائل اور ان کے حل پر غور ہو گا اور قبائلیوں کی اقتصادی بحالی اولین ترجیح ہے۔ فاٹا کوقومی دھارے میں لانا قبائل کو بااختیار بنانے اور خوشحالی کے لیے اہم ہے۔انہوں نے کہا کہ یہ ہمارا گھر ہے اور مل کر رفتہ رفتہ مکمل امن لائیں گے جبکہ علاقے کو صاف کرنے کے چیلنجز کے ساتھ ہولڈ اینڈ بلڈ کا مرحلہ جاری ہے۔ترجمان پاک فوج نے مزید کہا کہ شمالی وزیرستان کے متاثرہ تاجروں کی مقامی سول و فوجی نمائندوں سے کل ملاقات ہو گی جس میں فاٹا سیکریٹریٹ کے نمائندے بھی ہوں گے۔ان کا یہ بھی کہنا ہے کہ ملاقات میں حقیقی مسائل اور ان کے حل پر غور ہو گا اور قبائلیوں کی اقتصادی بحالی اولین ترجیح ہے۔ فاٹا کوقومی دھارے میں لانا قبائل کو بااختیار بنانے اور خوشحالی کے لیے اہم ہے۔