ملتان(آئی این پی)ملتان اور خانیوال سے تعلق رکھنے والے مسلم لیگ ن کے دو اراکین قومی اسمبلی راناقاسم نون اور پیراسلم بودلہ نے پارٹی چھوڑنے اور پی ٹی آئی میں شمولیت کی خبروں کوغلط قراردیا۔لیگی اراکین قومی اسمبلی نے کہا ہے کہ پارٹی چھوڑنے کی خبروں میں کوئی حقیقت نہیں ہے ،ہماری وابستگی بدستور مسلم لیگ ن کے ساتھ ہے ،آئی این پی سے بات چیت کرتے ہوئے این اے 153جلالپورپیروالہ(ملتان) سے مسلم لیگ ن کے رکن قومی اسمبلی

رانا قاسم نون نے کہا کہ وہ کل بھی مسلم لیگ ن کے ساتھ تھے اورآج بھی ساتھ ہیں،نجی ٹی وی چینل پرمیری پارٹی چھوڑنے اور دوسری پارٹی میں شمولیت سے متعلق چلنے والی خبروں میں کوئی صداقت نہیں ہے،مخالفین غلط خبریں پھیلا کرسیاسی ساکھ کو نقصان پہنچانے کی ناکام کوشش کررہے ہیں،دوسری طرف این اے 158 میاں چنوں (خانیوال)سے رکن قومی اسمبلی پیراسلم بودلہ نے بھی مسلم لیگ ن چھوڑنے اوردوسری پارٹی میں شمولیت کی خبروں کو غلط قراردیا،پیراسلم بودلہ نے میڈیا کو جاری اپنے جاری وضاحتی بیان میں کہا ہے کہ ان کی وابستگی مسلم لیگ ن کے ساتھ ہے اور وہ ن لیگ کو چھوڑ کر پی ٹی آئی میں شمولیت نہیں اختیار کررہے۔واضح رہے کہ گزشتہ روزنجی ٹی وی چینل نے جنوبی پنجاب سے تعلق رکھنے والے 5لیگی اراکین قومی اسمبلی کی تحریک انصاف میں شمولیت کا دعوی کیا تھا تاہم ملتان اور خانیوال سے تعلق رکھنے والے دو لیگی اراکین قومی اسمبلی نے ان خبروں کو غلط قراردیا ہے۔