فیصل آباد(سی پی پی) وزیر مملکت پانی و بجلی عابد شیر علی نے کہا ہے کہ عمران خان اورآصف زرداری دونوں کرپشن کے بے تاج بادشاہ ہیں،پیپلزپارٹی نے سندھ میں کرپشن کاانبارلگادیا، پشاورمیں ایک ارب درخت لگانے کی آڑمیں اربوں روپے کی کرپشن ہوئی،ایک ارب درخت کے پیسے بھی عمران خان کی جیب میں گئے۔عابد شیر علی نے میڈیا سے گفتگو کرتے ہوئے کہا کہ اقتدارکافیصلہ عوام کریں گے ۔

پیپلزپارٹی نے سندھ میں کرپشن کاانبارلگادیا، پشاورمیں ایک ارب درخت لگانے کی آڑمیں اربوں روپے کی کرپشن ہوئی،ایک ارب درخت کے پیسے بھی عمران خان کی جیب میں گئے،وزیر مملکت پانی وبجلی کا کہناتھا کہ میٹروبس کوجنگلہ کہنے والے آج خود میٹروبس بنارہے ہیں،نیب کوپشاور کی طرف بھی دھیان دیناچاہئے۔عابد شیر علی نے الزام عائد کیا کہ وزیراعلی خیبر پختونخواکرپشن میں ملوث ہیں،پنجاب میں 27اورخیبرپختونخوامیں 57ارب کی میٹروبن رہی ہے،ان کا کہناتھا کہ وزیراعلی خیبرپختونخوانے میٹرومیں 30ارب روپے کمیشن لی۔وزیر مملکت نے کہا کہ کرپشن کی داستان آصف زداری سے لکھی جائیگی،لاڑکانہ میں اربوں روپے کی کرپشن کاکوئی نہیں پوچھتا۔ان کا کہناتھا کہ میری لیڈرشپ کبھی پاکستان سے نہیں بھاگے گی،نوازشریف کواہلیہ کی تیمارداری کی اجازت بھی نہیں دی جا رہی جبکہ ڈاکٹر عاصم کوباہرجانے کی اجازت دیدی گئی۔ان کا کہناتھا کہ نوازشریف کواقامہ کی بنیاد پرنکال دیاگیا،نوازشریف سے کس چیزکابدلہ لیاجارہاہے،وہ کہیں نہیں بھاگ رہے۔