پشاور(مانیٹرنگ ڈیسک) صوبائی دارالحکومت پشاور میں ایسا واقعہ پیش آیا ہے جس نے سب کو ہلا کر رکھ دیا،میڈیا رپورٹس کے مطابق پشاور میں سود کے کاروبار سے وابستہ وفات پانے والے شخص کی نعش کواس کی قبر نے بھی قبول نہیں کیا اور گزشتہ روز سپرد خاک کئے جانے والے شخص کی نعش ایک دن بعد دوبارہ قبر سے باہر آ گئی جس پر قبرستان کے ارد گرد کے رہائش پذیر شہریوں اور قبر کندوں نے انہیں دوبارہ سپرد خاک کیا ۔
مذکورہ شخص کے لواحقین کو بھی اس صورتحال سے آگاہ کردیا گیا۔سود خور کی نعش ایک دن بعد قبر سے باہر آنے پر مقامی شہریوں میں شدید خوف وہراس پایا جاتا ہے۔واضح رہے کہ دو سال قبل صوبائی دارالحکومت پشاور کے کینٹ کے ایریا میں سود خوروں سے تنگ آکر باپ بیٹے اور بیوی نے خود کشی کی تھی۔صوبے میں ایسے بہت سے واقعا ت پہلے بھی رونما ہو چکے ہیں لیکن حکومت کی جانب سے کوئی عملی اقدامات دیکھنے میں نہیں آرہے ۔
