لاہور(مانیٹرنگ ڈیسک) تحر یک انصاف کے چےئر مین عمران خان کی تیسری شادی سے انکی فیملی سے مکمل لا تعلق رہی جبکہ ذرائع نے دعویٰ کیا ہے کہ عمران خان کی بہنیں اس شادی کی مخالفت کرتیں رہیں ۔میڈیا رپورٹس کے مطابق تحر یک انصاف کے چےئر مین عمران خان کی بہنیں اور دیگر عزیز لاہور میں موجود ہیں مگر اسکے باوجود انکی فیملی سے کوئی بھی لاہور میں عمران خان کے نکاح کی تقریب میں شر یک نہیں ہوئے
اور انکی جانب سے عمران خان کی بشر ی بی بی سے نکاح کی مخالف کی گئی ہے ۔تحریک انصاف کے چیئرمین عمران خان کی تیسری شادی میں ان کی بہنوں کو نہیں بلایا گیا،صرف دو دوستوں ، نکاح خواں اور دلہن کے اہل خانہ شریک ہوئے۔ تفصیلات کے مطابق عمران خان نے سابقہ بیوی ریحام خان کے ساتھ اپنی شادی کی روایت کو برقرار رکھتے ہوئے تیسری شادی میں بھی اپنی چاروں بہنوں کومدعو نہ کیا، عمران خان نے تیسری شادی گزشتہ روز لاہور میں اپنی پیرنی بشری بی بی کے ساتھ ان کی لاہور میں واقع رہائش گاہ گلبرگ میں کی نکاح کی تقریب میں ان کی چاروں بہنوں میں سے کسی نے بھی شرکت نہ کی واضح رہے کہ 8 جنوری2015 کو عمران خان کے ریحام خان کے ساتھ نکاح کے موقع پر بھی عمران خان کی بہنوں نے شرکت نہیں کی تھی۔ نکاح کی تقریب میں عمران خان کے قریبی دوستوں نے شرکت کی ، تقریب میں عمران خان کے قریبی دوست زلفی بخاری بھی شریک ہوئے ، زلفی بخاری اور عون چودھری نکاح کے گواہوں میں شامل ہیں۔ نکاح کے بعد عمران خان اسلام آباد آ گئے ہیں جبکہ بشر ی بی بی ابھی اپنے گھر پر ہی ہیں ان کی رخصتی بھی جلد ہو گی ۔ اس سے قبل میڈیا میں خبر آئی تھی کہ عمران خان نے بشری مانیکا سے تیسری شادی کر لی لیکن عمران خان نے اس وقت اس خبر کی تردید کر دی تھی اور کہا تھا کہ میڈیا اس قسم کی خبریں نہ چلائے ۔ دریں ترجمان تحریک انصاف فواد چوہدری نے بھی خبر کی تصدیق کی ہے اور کہا ہے بشریً بی بی اور عمران خان کی شادی ہوگئی ہے ۔نکاح کی تقریب بشریٰ بی بی کے بھائی کے گھرہوئی ہے شادی پر چیئرمین پی ٹی آئی کو مبارکباد پیش کرتے ہیں ۔
