اسلام آباد(آئی این پی)عوامی مسلم لیگ کے سربراہ رکن قومی اسمبلی شیخ رشید نے کہا ہے کہ ایل این جی کیس کو سپریم کورٹ میں بے نقاب کر نے جا رہے ہیں ۔ نواز شریف ‘ دانیال ‘ طلال اور نہال سب جیل کا مال ہیں ‘ نواز شریف خود آمر کی پیداوار ہے اور آج ان کو ہی گالیاں نکال رہا ہے ‘ حکمرانوں نے کمیشن کھانے کیلئے گیس اور بجلی مہنگی کر دی ہے۔ ہفتہ کو سپریم کورٹ کے باہر میڈیا سے بات چیت کرتے ہوئے عوامی مسلم لیگ کے سربراہ شیخ رشید نے کہا کہ ایل این جی کا کیس قوم سے وعدہ تھا۔
ایل این جی کیس کو سپریم کورٹ میں بے نقاب کرنے جا رہے ہیں۔ این ایل جی کیس کی دستاویزات نکالنا کوئی آسان کام نہیں تھا۔ ایل این جی کے کمیشن میںکون کون ملوث ہے سب بے نقاب ہوں گے۔ انہوں نے کہاکہ دانیال ‘ طلال نہال اور نواز شریف سب جیل کا مال ہیں۔ حکمرانوں نے کمیشن کھانے کیلئے گیس اور بجلی مہنگی کر دی ہے۔ نواز شریف خود آمر کی پیداوار ہے اور آج ان کو گالیاں نکال رہا ہے۔ نوا زشریف کو جسٹس قیوم اور جنرل بٹ چاہیے۔ یہ سپریم کورٹ سیاست میں ایسا تابوت ٹھوکے گی کہ ان کو قیامت تک یاد رہے گا۔
