اسلام آباد(مانیٹرنگ ڈیسک)کراچی میں قتل ہونے والے مقصود کے لواحقین کی جانب سے دئیے جانے والے دھرنے میں مسلم لیگ ن کے سینیٹر نثار محمد کی شرکت، مقتول کی کمسن بہن کو مشکوک انداز میں چھونے کی ویڈیو نے سوشل میڈیا پر ہنگامہ برپا کر دیا، شدید عوامی ردعمل سامنے آنے لگا۔ تفصیلات کے مطابق کراچی میں قتل ہونے والے مقصود کے لواحقین نے انصاف
کیلئے دھرنا دیا جس میں مسلم لیگ ن کے سینیٹر نثار محمد نے بھی شرکت کی۔ اس موقع پر دھرنے کے شرکا سے لیگی سینیٹر نے خطاب بھی کیا اور انہیں ہر ممکن تعاون کی یقین دہانی بھی کروائی۔ اس دوران سینیٹر نثار محمد کی جانب سے دھرنے میں مقتول مقصود کی کمسن بہن کو دلاسہ دیتے ہوئے مشکوک انداز میں چھونے پر سوشل میڈیا پر شدید عوامی ردعمل سامنے آرہاہے۔
