اسلام آباد(مانیٹرنگ ڈیسک) وفاقی دارالحکومت اسلام آباد کی انتظامیہ نے ویلنٹائن ڈے کی تقریبات پر پابندی عائد کرنے کا فیصلہ کر لیا میڈیا رپورٹس کے مطابق ذرائع نے بتایا کہ وفاقی دارالحکومت میں ویلنٹائن ڈے منانے والوں کے خلاف سخت کارروائی کی تیاریاں مکمل کر لی گئی ہیں۔ ویلنٹائن ڈے منانے والوں کے

خلاف مقدمے تک درج کیے جانے کا امکان ہے۔ اگلے دو روز میں ڈپٹی کمشنر اجلاس طلب کریں گے جس میں ویلنٹائن ڈے اور 23 مارچ کے موقع پر سکیورٹی انتظامات کا جائزہ لیا جائے گا۔ جبکہ 5 فروری کو بھی سکیورٹی سے متعلق انتظامات کا جائزہ لیا جائے گا۔واضح رہے کہ ویلینٹائن ڈے 14فروری کو منایا جاتا ہے۔