گوجرانوالہ (این این آئی)گوجرانوالہ میں گھر سے بہن اور بھائی کی لاشیں ملی ہیں، دونوں کو تیز دھار آلے سے قتل کیا گیا ٗ پولیس نے موقع سے مقتولین کے عزیز کو حراست میں لے لیا۔گوجرانوالہ میں تھانہ دھلے کے علاقے شاہین آباد میں گھر سے 20 سالہ عرفان اور 23 سالہ اقرا کی لاشیں ملی ہیں۔ڈی ایس پی ماڈل ٹاؤن میاں معظم کے

مطابق دونوں کو تیز دھار آلے سے قتل کیا گیا ٗ واقعہ دشمنی کا نتیجہ معلوم ہوتا ہے۔پولیس کے مطابق مقتولین کا تعلق منڈی بہاؤالدین سے تھا اور یہ چار ماہ قبل گوجرانوالہ منتقل ہوئے تھے۔پولیس نے مقتولین کے کزن شفقت کو شک کے شبہ میں حراست میں لے لیا ہے اور لاشوں کو پوسٹ مارٹم کیلئے ڈی ایچ کیو منتقل کر دیا ہے۔