اسلام آباد (مانیٹرنگ ڈیسک)زینب قتل کے بعد قصور کی فضا سوگوار ہے اور ملک بھر میں احتجاج اور غم و غصے کی لہر محسوس کی جا رہی ہے۔ نجی ٹی وی نیو نیوز کی رپورٹ کے مطابق ننھی زینب کی والدہ نے نیو نیوز کے اینکر سے خصوصی بات کرتے ہوئے کہا کہ زینب کی عمر 8یا 7سال نہیں بلکہ ساڑھے 6سال تھی ۔ میں جب عمرے پر جانے لگی تو اس سے وعدہ کر کے گئی تھی کہ اگلی مرتبہ تمہیں بھی اپنے ساتھ لے کر حجاز مقدس جائوں

گی۔ اللہ کے گھر میں صبر کیلئے دعا کرتی رہی مگر کیا معلوم تھا کہ اپنی ہی بچی کی موت پر صبر کرنا ہو گا۔ زینب کی والدہ کا کہنا تھا کہ قصور 12معصوم لاشیں اٹھا چکا ہے اور یہ وہ لاشیں ہیں جو رپورٹ ہوئیں۔ انہوں نے نجی ٹی وی اینکر سے کہا کہ وعدہ کرو کہ اس بار ہمیں اکیلا نہیں چھوڑو گے۔ میری بچی گھر سے پانچ سو گز کے فاصلے سے اغوا کی گئی اور پھر چند گھنٹوں بعد وہاں پھینک دی گئی جہاں قصور شہر کا سارا کچرا پھینکا جاتا ہے۔

موضوعات:زینب قتل زینب والدہ