اسلام آباد (مانیٹرنگ ڈیسک)سینئر صحافی و تجزیہ کار حامد میر نے سماجی رابطوں کی ویب سائٹ ٹویٹر پر اپنے پیغام میں کہا ہے کہ اس میں شک نہیں کہ اللہ تعالیٰ کے بعد جمائمہ خان نے پرانی دستاویزات دے کر عمران خان کو بچایا جن کی وجہ سے سپریم کورٹ کی تسلی ہوئی۔واضح رہے کہ ن لیگ کے رہنما حنیف عباسی کی جانب سے سپریم کورٹ میں چیئرمین پی ٹی آئی عمران خان کی نا اہلی
کے حوالے سے ایک درخواست دائر کی گئی تھی جس کی طویل عرصے تک جاری رہنے والے سماعتوں کے بعد عدالت نے فیصلہ محفوظ کر لیا تھا جسے آج سناتے ہوئے عدالت نے عمران خان کو کلین چٹ دیدی ہے ۔ خیال رہے کہ حامد میر کے ٹویٹ کے بعد ایک بار پھر سوشل میڈیا پر عمران خان کی کامیابی کی وجہ سے جمائمہ خان کو قرار دیتے ہوئے ان کے چرچے شروع ہو چکے ہیں۔
