کراچی(مانیٹرنگ ڈیسک) آصف زرداری کے قریبی ساتھی اور سابق وفاقی وزیر ڈاکٹرعاصم کے خلاف میگا کرپشن کیس کی سماعت کے دوران استغاثہ کے گواہ نے کہا ہے کہ سابق مشیر پیٹرولیم کے نجی بینک اکاؤنٹ سے لندن رقم منتقل ہوتی رہی ہے۔جمعرات کوکراچی کی احتساب عدالت میں سابق مشیرِ پیٹرولیم ڈاکٹرعاصم کے خلاف 462 ارب روپے کرپشن ریفرنس کی سماعت ہوئی۔ سماعت کے دوران نجی بینک(یوبی ایل)کے ملازم مصباح الدین نے عدالت کو بتایا کہ ڈاکٹرعاصم
کے بیرون ملک کرنسی اکاؤنٹ کا ریکارڈ جمع کراتے ہوئے اپنا بیان بھی قلمبند کرایا۔ گواہ نے کہاکہ ڈاکٹر عاصم نے اپنے یو بی ایل اکاؤنٹ کے ذریعے مختلف اوقات میں حبیب بینک لندن برانچ میں رقم منتقل کی اور یہ رقم زیادہ تر غیرملکی کرنسی تھی اور 2012 کے بعد منتقل ہوئی۔عدالت نے گواہ کے بیان پر ڈاکٹرعاصم کے وکیل سے 21 دسمبرکو دلائل طلب کرتے ہوئے کیس کی سماعت ملتوی کردی جب کہ ڈاکٹرعاصم کی حاضری سے استثنیٰ کی دخواست بھی منظور کرلی گئی۔
