لاہور(مانیٹرنگ ڈیسک) مسلم لیگی سینئر سیاستدان جاوید ہاشمی نے کہا ہے کہ عمران خان عوام کے ووٹ سے نہیں چور دروازے سے اقتدار میں آنا چاہتے ہیں‘ نواز شریف جمہوریت کے سالار ہیں وہ اس بار کسی قسم کا سمجھوتہ نہیں کر یں گے ‘نواز شریف ہمت کریں تو پارلیمنٹ آزاد ہو سکتی ہے اس وقت ملک میں جوڈیشل مارشل لا لگا ہوا ہے۔ اتوار کے روز گفتگو کرتے ہوئے مسلم لیگی سینئر سیاستدان جاوید ہاشمی نے کہا کہ میں نے ہمیشہ جمہوریت اور آئین وقانون کی بات کی ہے مگر تحر یک انصاف میں عوام کی

طاقت پر یقین رکھنے والاکوئی نہیں وہاں ہر کوئی چاہتا ہے کہ چوردروازے سے اقتدار میں آیا جائے مگر انکی خواہش پوری نہیں ہوگی ۔ انہوں نے کہا کہ میں تمام سیاستدانوں کا وکیل ہوں، کسی سیاست دانوں کے خلاف نہیں ہوں ماضی میں نواز شریف کے سر پر پستول تان کر کہا گیا کہ آپ اسمبلیاں توڑ دیں مگر نوازشر یف نے انکار کردیا اور اب بھی اگر نواز شریف ہمت کریں تو پارلیمنٹ آزاد ہو سکتی ہے بد قسمتی سے آج ملک میں جوڈیشل مارشل لا لگا ہوا ہے جو کسی بھی صورت جمہوریت اور ملک کے مفادمیں نہیں ۔

موضوعات:جاوید ہاشمی