حافظ آباد(آئی این پی )حافظ آباد کے نواحی گاؤں ونی میں خاتون نے اپنے خاوند کو زہر دیکر جان سے مارنے کے بعد اسکی لاش بوری میں بند کر کے قادر آباد نہر میں پھینک دی۔پولیس نے خاتون سمیت اسکے تین رشتہ داروں کو گرفتار کر لیا۔تفصیلات کے مطابق نواحی گاؤں ونی کی رہائشی شگفتہ کا مبینہ طور پر چال چلن ٹھیک نہیں تھا جس پر اسکا خاوند یاسین اسے اکثر منع بھی کرتا تھا اور ان میں جھگڑا بھی رہتا تھا ۔یکم دسمبر کی رات ملزمہ شگفتہ بی بی نے
اپنے تین رشتہ داروں کے ہمراہ مل کر اپنے خاوند کو کھانے میں زہر ملا کر جان سے مار دیا اور پھر اسکی لاش بوری میں بند کر کے پولیس چوکی حمید پورہ کے قریب قادر آباد نہر میں پھینک دی چار روز تک یاسین کا کچھ پتہ نہ چلنے پر اس کے رشتہ داروں نے پولیس کی مدد سے اسکی تلاش شروع کی تو شک گزرنے پر پولیس نے مقتول کی بیوی کو حراست میں لیکر تفتیش کی تو اس نے اعتراف جرم کرتے ہوئے پولیس کو بتایا کہ اس نے ہی اپنے خاوند کو زہر دیکر جان سے مارنے کے بعد اسکی لاش نہر میں پھینک دی تھی ۔ملزمہ کی نشاندہی پر پولیس اور ریسکیو اہلکاروں نے لاش کی تلاش کا کام شروع کر دیا ہے
