شیخوپورہ(آئی این پی) پاکستان پیپلز پارٹی پنجاب کے صوبائی صدر قمرالزماں کائرہ 22 نومبر کو شیخوپورہ آ ئیں گے ان کی آمد کے موقع پر پیپلز پارٹی کے سینئر رہنما ئو ں پر مشتمل پیپلز ورکرز اتحاد نے ان کا استقبال سیاہ جھنڈوں، گندے انڈوں اور ٹماٹروں کے ساتھ کرنے کا اعلان کر دیا ہے اس بات کا اعلان شیخوپورہ میں پاکستان پیپلز پارٹی کے سابق سینئر وزیر ملک مشتاق احمد اعوان کے ڈیرے پر گزشتہ اتوار کے روز ہونے والے اجلاس

میں کیا گیا جس میں سابق ضلعی نائب ناظم میاں لیاقت علی سابق پارٹی ٹکٹ ہولڈر میاں مقصود احمد سابق تحصیل صدر چوہدری لطیف احسن ایڈووکیٹ ملک اشتیاق احمد اعوان اور دیگر رہنما اور کارکنان شریک ہوئے اجلاس میں کہا گیا کہ صوبائی صدر قمرالزماں کائرہ نے اپنے وعدے کے باوجود ضلع تحصیل اور سٹی تنظیموں پر نظر ثانی نہیں کی جس سے پارٹی کے بانی سینئر ارکان اور کارکنان میں شدید غم و غصہ پایا جاتا ہے ہم کسی بھی صورت میں ان تنظیموں کو تسلیم نہیں کریں گے اور میرٹ پر عہدیداروں کی نامزدگی تک ہمارا احتجاج جاری رہے گا لہذا اجلاس میں فیصلہ کیا گیا ہے کہ 22 نومبر کو صوبائی صدر قمرالزماں کائرہ کی شیخوپورہ آمد کے موقع پر سیاہ پرچموں، گندے انڈوں اور ٹماٹروں سے کیا جائے گا ۔

موضوعات:کائرہ